AV藍： AV男女揀機大不同

AV Consultant Home Theatre

早排小藍同 AV Consultant影音女顧問瑩瑩傾開偈，佢話今時今日玩影音再唔係男士專利，家唔少女性都鍾意屋企添置家庭影院，以佢公司客為例，男女顧客比例係7：3。事實上，好多中產男女對 AV要求真係好唔同，佢公司同 Couple設計家庭影院，除介紹產品符合顧客要求，仲要幫口令一齊男女顧客達成共識。

瑩瑩話，女仔對眼會比男性敏感得多，對畫面要求特別高，畫面有少少 noise，或者光都睇得一清二楚，買電視都要買一線品牌，買投影機會買講緊6萬元以上高階 DLP投影機，而唔係一般兩三萬入門級 LCD投影機，「好似鄧萃雯都玩投影好多年，都係用 DLP投影機。」

女顧客專買靚

佢特別提醒人老公，佢選擇電視、投影幕，唔理距離幾近，都要越大越好，但係畫面太大，女仔睇會有好大壓迫感，「有女仔嚴重到睇幾分鐘就會好頭暈，睇移動影像仲會睇到嘔。」
女性對 AV5.1環迴聲道要求較低，對兩聲道要求反而高，鍾意聲音細緻暖；男仔對聲音要求好高，要聲，要夠分析力，仲要加埋重 Bass。男女花費都好唔同，瑩瑩話，女仔一係唔買，一買要買靚，可以用耐，一套家庭影音平均消費約20萬元；男仔因為好花心，平均消費10萬元，平可以成日換機。

Ref: http://hk.apple.nextmedia.com/news/art/20080905/11563509

AV藍：少女愛水晶吉蒂貓影音

Hello Kitty

小藍之前同 AV Consultant 女顧問瑩瑩傾開，知道家越越多女仔玩影音。早幾日去銅鑼灣時代廣場搵專賣日本潮流產品 JC Shop老友 Alan吹水，佢都話唔單止多女仔玩，年齡仲細到十幾廿歲。佢仲專登日本引入一批限量版 Hello Kitty AV影音系列，12套即刻賣清，先再入多一批。

全套售4,608元

Alan話，呢批影音系列，除一部 Kitty DVD機外，仲有 Sanrio同 Swarovski合作吉蒂貓水晶影音，包括兩個大、細耳筒、 USB同滑鼠，全部嵌滿晒水晶，連 DVD機全套買要4,608蚊，唔少顧客係男仔買送畀女朋友。
小藍見到機同配件又幾鬼吸引女仔，好似部粉紅色 DVD機咁，直立式外殼，印有大大個 Kitty Logo，加埋吸入式入碟，夠潮夠搶眼。再襯埋水晶耳筒，囡囡即刻要投降啦。部 DVD雖然無支援高清格式 HDMI端子，但都有次一級色差同光纖線插頭，咁都算睇得又玩得，匿埋間房駁埋電腦睇碟都 OK啦。