出色的音效設計 但未必個個識得聽

上一篇講到，《末日先鋒：戰甲飛車》（Mad Max: Fury Road）橫掃 6 個奧斯卡技術獎，包括同時獲得「最佳音效剪接」及「最佳音響效果」兩個聲音大獎。Mad Max 的音效有幾勁？今次我哋就介紹一下最多人試嘅 Chapter 6 一段，好讓大家透過文字感受一下音效帶來的震撼力吧。女主角 Furiosa 駕駛運油車到峽谷，落車大嗌，叫電單車黨炸爆峽谷大石堵塞道路，阻止奸角 Immortan Joe 等三幫人的追捕，當中可以聽到四周的回響；其後追兵已到，Furiosa 不得不逃走，電單車黨阻止運油車離開，並且炸爆大石造成山泥倒塌，追兵又在堵塞的道路上嘈吵聲不斷，加上大大小小的汽車引擎聲與精彩的配樂全部疊在一起，之後又有追車、爆炸和、主角們之間的對話等眾多不同聲音互相糾纏，呢啲咁複雜嘅音效，必須在接近完美嘅環繞聲系統（不代表一定使用貴價器材）和準確調校下，先至能夠有條理咁展現响大家面前。

至於點解話未必個個都識聽呢？原來就算環繞聲系統夠班可以完整播放呢段片，都唔一定係個個朋友都有經驗能夠聽到咁複雜嘅音效，稍欠經驗的玩家，可能未必可以在短短幾分鐘內同時接收，分辨到配樂的音質、音色平衡度、爆炸嘅動態、弱音細緻度、人聲清晰度、汽車行駛方向等混合效果，隨時都可能錯失當中的「試機位」，結果咩都聽唔到，呢個就係我哋冇用嚟隻碟做示範嘅原因，所以除非有特別要求，一般都唔會攞呢隻碟畀大家試。

‪#‎MadMax‬ ‪#‎Bluray‬ ‪#‎AVConsultant‬ ‪#‎影音‬ ‪#‎Anthem‬

影音顧問(國際)有限公司 AV Consultant (Int'l) Ltd
Tel: (852) 2581-2928
Website: http://www.avconsultant.com.hk
E-mail: info@avconsultant.com.hk
FaceBook: http://www.facebook.com/avconsultant
香港中環都爹利街 1 號 24 樓全層 (頂樓)
The Penthouse, 24/F., 1 Duddell Street, Central, Hong Kong