蘋機會： apt-x靚聲小喇叭 Soundmatter 重壓低音

Alan Lee (李柏櫂先生)  話：「喺同 Size嘅小型喇叭中， foxL v2嘅靚聲實在罕見。

玩喇叭，好多人覺得越大越勁，要靚聲，小喇叭通常都行埋一邊。不過聽完呢隻 foxL v2之後，可能就會改觀。一對自家專利設計單元，加上強力 Bass，最勁係玩埋先進 apt-X藍芽傳輸， CD靚聲徐徐響起之餘，仲玩埋重壓低音，真係非一般小喇叭！

壓縮至1/4保原音

foxL v2播 CD靚聲嘅其中一個最強武器就係 apt-X，亦是暫時唯一支援 apt-X嘅流動式喇叭。所謂 apt-X其實是藍芽傳輸制式中的最新標準。開發主要應用於專業音訊同廣播，即係專播靚聲嘅傳輸制式，聽歌一流！ apt-X之所以傳到靚聲，主要因為能夠將音頻訊號壓縮至原來的四分之一，但同時確保音質不會明顯下降。另外 apt-X的編碼延時更低至1.9毫秒，解決了舊式藍芽因為傳輸編碼延時較慢而影響環繞聲效果，及聲畫不同步的問題。不過，由於技術太新太先進，暫時就只有 Samsung Galaxy Tab7.0 Plus支援藍芽 apt-X。如果你用緊嘅係 iPhone或者 iPad，就要另花 $800大元買個轉換器。無計，要享受自然要有啲付出。但放心， foxL v2同時支援普通藍芽，當然亦可以傳輸線接駁，普通耳機一樣照用。

專利設計單元

要靚聲，傳輸與喇叭質素亦同樣重要。「 foxL v2的單元係由 Soundmatters嘅始創人 Dr.Godehard Guenther親自設計，佢擁有四十年的 Hi-Fi經驗，質素有保證之餘，其他品牌亦學唔到。」音響專家 Alan Lee解說。一對採用1吋 Neodymium磁鐵製的 Twoofer，令高低音延伸更廣闊，聲音更清晰。更妙的是 foxL v2巧妙地將儲電池和低音單元結合，利用電池的重量及硬度，讓低音下潛得更深，音量更勁！做到一般小型喇叭不可能做到的低音效果。世界著名嘅音響雜誌《 Stereophile》編輯 Michael Fremer形容 foxL v2為「最驚人的一體式小型音響設備」。這個小喇叭更入圍「 Best of CES」產品，絕對唔講得笑！

 apt-X係用於專業音訊同廣播嘅最新藍芽編碼制式，聽歌一流！ 

隨機附送 AudioQuest的 Evergreen3.5mm發燒級訊號線。

Soundmatter V2 機身嬌小兼輕身，帶出街用極方便， Party啱晒！

除咗播 CD級靚聲，亦可作通話會議擴音，娛樂實用兼備。

Soundmatter V2 機背內藏電池，同時亦是超低音單元。 

以 Neodymium磁鐵製的 Twoofer，係靚聲保證。

Link :http://hk.apple.nextmedia.com/supplement/tech/art/20111228/15929887